Ambasadori amerikan në Kosovë, Jeffrey Hovenier duke rishpërndarë deklaratën e sekretarit amerikan të Shtetit, Antony Blinken ka ripërsëritur se e dënojnë ashpër sulmet e koordinuara dhe të dhunshme.

Me anë të një postimi në X, Hovenier ka shprehur ngushëllime familjes së policit të vrarë në detyrë dhe njerëzve të Kosovës, shkruan Arbresh.info.

“Duke bërë jehonë Sekretarit amerikan të Shtetit, Antony Blinken. Ne e dënojmë këtë sulm të koordinuar, të dhunshëm dhe i shprehim edhe një herë ngushëllimet tona më të thella familjes së rreshterit të Policisë së Kosovës të vrarë në krye të detyrës – dhe popullit të Kosovës.”, ka shkruar Hovenier.

Tutje ata kanë thënë që autorët duhet të mbahen përgjgejës teksa u kanë bërë thirrje palëve që të përmbahen nga çdo veprim që mund të nxisë tensione të mëtutjeshme.

“Autorët e këtij krimi duhet të mbajnë përgjegjësi nëpërmjet një procesi hetimor transparent. Ne u bëjmë thirrje qeverive të Kosovës dhe Serbisë që të përmbahen nga çdo veprim apo retorikë që mund të nxisë më tej tensionet dhe të punojnë menjëherë në koordinim me partnerët ndërkombëtarë për të de-përshkallëzuar situatën, për të garantuar sigurinë dhe sundimin e ligjit dhe për t’u kthyer në BE- Dialog i lehtësuar.”

Në reagimin e ambasadës amerikane thuhet se Policia e Kosovës ka përgjegjësi të plotë për zbatimin e sundimit të ligjit në Republikën e Kosovës.

“Shtetet e Bashkuara njohin dhe respektojnë rolin e Policisë së Kosovës si reaguese e parë në situata emergjente dhe krize.”, thuhet në deklaratën e tyre.

Ndër të tjera është vlerësuar koordinimi i ngushtë të Policisë së Kosovës me EULEX-in dhe KFOR-in.

“Shtetet e Bashkuara vlerësojnë koordinimin e ngushtë të Policisë së Kosovës me Misionin e BE-së për Sundimin e Ligjit në Kosovë dhe me Forcën e NATO-s në Kosovë, veçanërisht në garantimin e sigurisë së civilëve në vendngjarje.”, ka deklararuar ambasada ameirkane.

“Ne do të vazhdojmë të monitorojmë situatën dhe të koordinohemi me të gjithë të përfshirët.”, thuhet në deklaratë./Arbresh.info.

Echoing @SecBlinken. We condemn this coordinated, violent attack and once again offer our deepest condolences to the family of the Kosovo Police sergeant killed in the line of duty – and to the people of Kosovo.

Full statement: https://t.co/nUitDSwVIJ https://t.co/KtZjpHNAXU

— Ambassador Jeff Hovenier (@USAmbKosovo) September 25, 2023